🍀بروزترین سایت تمگران🍀

دَمِ عَیدی دِلُن شادِن، یه رَسمِ جونِ هر سالِن

‌

سِگینَی چیده خوشحالی دِلِ مَرد و زن و چوری

غُمُن کُلْ بی دَرَک بودِن، دِلُن سَرچَنگ و سَرحالِن

‌

چه توی سَوزیِ جاز و چه توی گوستُنِ پُر یاو

به رُمبِن هرکُجا مالُن، تُوارِ چَنگِن و زالِن

‌

زَمینْ هم مثلِ سَردارُنْ کَمَرصُحبَتْ خودی بَسته

دِلی وَر آسِمون داده کُلی گرمِ گپ و گالِن

‌

کُلی صُحل و صَفا یَهته ،دگه کینَونِ پیراری

نوم و توار و نِشونی رو سَری گُم گار و بُنْبالِن

‌

دگه یاوِ خوشی وَی غَم کِلِ هَم تویِ جو نارو

غَمُن کُلْ اَی جِلَو رَوتِن، خوشی کِلْ ما به دومالِن

‌

چه اَی گَود و چه اَی بالا به چَهرِن هرکُجا مَردم

گروهِ آدَمون مِثْ مُرگْ اَی هَرسون و هر بالِن

دِلُن نَزدیکِ نَزدیکِنْ، دِلُن چَسپیدِهِن وَر هَم

دَمِ نوروز دِل دوری، کَسی ناکَن که ووبالِن

‌

زکریا_ صادقی